آپ میں سے ہر ایک نے زندگی کے کسی نہ کسی لمحے میں یہ ضرور سوچا ہوگا کہ اس خاندان کو متحد کیا جائے اور فلاح و بہبود کے حوالے سے اقدامات کیے جائیں۔ آپ کی اسی سوچ، اسی فکر کا نام "شیرازی سادات فورم" ہے۔

یہ اتحاد اس لیے بھی ضروری ہے کہ ہم ایک ہی خاندان، ایک ہی خون، ایک ہی قبیلہ ہیں۔ اور اس لیے بھی ضروری ہے کہ ہم میں سے کچھ لوگ متمول ہیں، ان کو مالی آسودگی حاصل ہے جبکہ اسی خاندان میں بہت سے افراد ایسے بھی ہیں جو مالی مشکلات اور تنگدستی کا شکار ہیں۔ ہمیں متحد ہو کر اپنے ان بہن بھائیوں کا دست و بازو بننا ہے۔

اس سوچ کو لے کر آزاد کشمیر سے بانی چیئرمین برادر سید انیس شیرازی نے سوشل میڈیا، فیس بک اور واٹس ایپ پر مختلف علاقوں میں آباد اس خاندان کے افراد سے رابطے شروع کیے۔ 2019 میں برادر سید انیس شیرازی کو کچھ ایسے بھائیوں کا ساتھ میسر آ گیا کہ یہ سلسلہ آگے چل نکلا اور ہر قسم کے سیاسی و مسلکی اختلافات سے بالاتر ہو کر صرف اور صرف خاندان کے اتحاد اور فلاح و بہبود کے لیے بنیاد رکھ دی گئی۔

🎓 تعلیم: مستحق گھرانوں کے بچوں کے تعلیمی اخراجات، درسی کتب، یونیفارم، اسکول/کالج فیس اور وظائف۔ کوچنگ سینٹرز ، سکولوں کے قیام کی کوشش

🏥 صحت: خاندان کے مستحق افراد کو علاج معالجے اور ادویات کی فراہمی، بلڈ بینک کا قیام۔ میڈیکل سینٹرز ، ڈسپنسریز کے قیام کی کوشش

💼 روزگار: تعلیم یافتہ نوجوانوں کی ملازمت میں معاونت، ہنر مندوں کو بلاسود قرضِ حسنہ۔

💍 عمومی فلاح و شجرہ: خاندان کے مختلف گھرانوں کے درمیان معمولی نوعیت کے تصفیہ طلب معاملات کو حل کرنے کی کوشش، میرج پورٹل و میرج فنڈ،بیوگان کی کفالت ، خاندان کی مستند تاریخ شجرہ نسب کا تحفظ،

اپنے قیام سے لیکر آج تک شیرازی سادات فورم کے ارکان خاندان کے اتحاد اور فلاح وبہبود کے لیے کوشاں ہیں ، اس سلسلے میں شاہپور سرگودہا ، ہجکہ شریف بھیرہ ، بھلوال ، ساہیوال ، حافظ آباد ، کوٹلہ سیداں جہلم اور پیروالا جھنگ میں برادران کے تعاون سے خاندان کے افراد سے ملاقات کے لیے بڑے اجتماعات منعقد کیے ۔ اور شیرازی سادات فورم کے اغراض و مقاصد سے خاندان کے عمائدین کو آگاہ کیا ۔ لیکن خاندان کے افراد کی بہت کم تعداد نے فورم کی باقاعدہ ممبرشپ حاصل کی ۔
کچھ خدمتیں ایسی ہوتی ہیں جن کی کوئی تصویر نہیں ہوتی کوئی تشہیر نہیں ہوتی ۔ مگر ان کی بازگشت سیدھی عرش پر پہنچتی ہے۔ الحمد للہ شیرازی سادات فورم نے خاموشی ، اخلاص اور احساس ذمہ داری کے ساتھ اپنے ہی خاندان کے ان لوگوں تک محبت ، سہارا اور امید پہنچائی ہے جو مالی مشکلات، بیماریوں اور زندگی کی سختیوں کا سامنا کررہے تھے ۔ تعلیمی کفالت کے حوالے سے شیرازی سادات فورم کو اس سال جتنے بھی فارم موصول ہوئے ان میں سے کسی کو بھی مسترد نہیں کیا گیا ۔ اس وقت پارا چنار 06 ، سرگودھا 03، فیصل آباد 01 ،ساہیوال 01 ،حافظ آباد 01 جہلم 01 کل 13 بچوں کی تعلیمی کفالت کررہا ہے تاکہ کسی بچے کے خواب مالی مشکلات کے ہاتھوں دم نہ توڑیں ، کسی کی کتاب بند نہ ہو ۔ کسی ماں کی امید نہ ٹوٹے ، یقین جانیے کسی بچے کے ہاتھ میں کتاب دینا دراصل پوری قوم کا مستقبل روشن کرنا ہے ۔
منڈی بہاوالدین،جہلم ، سرگودھا ،حافظ آباد اور فیصل آباد اور ساہیوال میں بیٹیوں کی شادی کے موقع پر ایک چھوٹا سا تحفہ نقد رقم کی صورت دیا گیا ہے ، تاکہ خوشیوں کے یہ لمحات آسان اور باعزت بن سکیں ۔
ٹوبہ ٹیک سنگھ ، خوشاب ، راولپنڈی ، سرگودہا ، جھنگ ،ساہیوال ، جہلم بیوگان اور پریشان حال گھرانوں تک معاونت پہنچائی گئی تاکہ کسی کا چولھا بجھنے نہ پائے کسی ماں کی امید ختم نہ ہو۔
شیرازی سادات فورم کا کوئی باقاعدہ چندہ مقرر نہیں ہے ۔ تمام عطیات چند برادران اپنی رضا مندی سے فورم تک پہنچاتے ہیں ۔ جو ورکنگ کمیٹیز اور مقامی نمائندوں کے ذریعے انتہائی راز داری سے گھرانوں تک پہنچائے جاتے ہیں ،اس کی کوئی تصویر کشی نہیں کی جاتی نہ ہی سوشل میڈیا پر شیئر کیا جاتا ہے ۔ البتہ تمام ارکان کو ماہانہ بنیاد پر مالی معاملات سے مکمل آ گاہ رکھا جاتا ہے ۔ شیرازی سادات فورم کا میرج پورٹل فعال ہے ۔ جہاں سادات کے بچوں اور بچیوں کے رشتوں کے حوالے سے گھرانوں کو متعارف کرایا جارہا ہے۔ خاندان کی مستند تاریخ اور شجرہ نسب کو یکجا کرنے پہ کام ہورہا ہے ۔

یہ ابتدا ہے ، یہ منزل نہیں ہے۔ ہمیں اور آگے بڑھنا ہے ۔ اس خاندان کے ہرفرد کو مدد لینے والا نہیں مدد دینے والا بنانا ہے ۔ اور ہم یہ کرسکتے ہیں ہماری تعداد سینکڑوں یا ہزاروں میں نہیں الحمدللہ لاکھوں میں ہے ۔ ہم بس بکھرے ہوئے ہیں ۔ ہمیں متحد ہونا ہے ۔ ہر بکھرے ہوئے پھول کو تلاش کرنا ہے ۔ ہر دل کو جوڑنا ہے ۔ اور ایک ایسا گلدستہ بنانا ہے جس کی خوشبو ہماری آنے والی نسلوں تک پہنچے ۔ قومیں دولت سے نہیں بلکہ احساس سے بنتی ہیں ۔ خاندان صرف خون کے رشتے کا نام نہیں بلکہ ایک دوسرے کے دکھ درد بانٹنے کا نام ہے ۔
ضرورت اس بات کی ہے کہ ہم اپنے ذاتی اختلافات کو بھلا کر ایک دوسرے کو نیچا دکھانے کی بجائے ایک دوسرے کا سہارا بنیں ۔ اگر آج ہم متحد ہوگئے تو ہماری آنے والی نسلیں مضبوط ہونگی اور اگر آج ہم بکھرے رہے تو شاید کل ہماری پہچان بھی بکھر جائے ۔ آئیے عہد کریں کہ اس فورم کو اس خاندان کے ہرفرد کی آواز بنائیں گے ۔ اپنے بچوں کے مستقبل ، اپنی نسلوں کی شناخت اور اپنے اجداد کی قابل فخر تاریخ کے تحفظ کے لیے ایک دوسرے کے شانہ بشانہ کھڑے ہونگے ۔
ہماری یہ کوشش یقیناً جد امجد سرکارِ صادق آل محمد علیہ السلام کی بارگاہ میں شرف قبولیت پائے گی ۔اگر کل بروز حشر ہم اس قابل ہوئے کہ مولا علیہ السلام کی خدمت میں پیش کیے جائیں تو دست بستہ عرض کریں گے "مولاؑ ہم نے کوشش تو کی تھی ، کہ آپ کی اولاد کو اکٹھا کر سکیں"مولا ہم نے تو کوشش کی تھی ۔۔۔۔

💬 واٹس ایپ: 03125304398

📘 فیس بک پیج: SheraziSadaatForum

▶️ یوٹیوب چینل: sherazisadaatforum2004