شیرازی سادات فورم

آپ میں سے ہر ایک نے زندگی کے کسی نہ کسی لمحے میں یہ ضرور سوچا ہوگا کہ اس خاندان کو متحد کیا جائے اور فلاح و بہبود کے حوالے سے اقدامات کیے جائیں۔ آپ کی اسی سوچ، اسی فکر کا نام "شیرازی سادات فورم" ہے۔

یہ اتحاد اس لیے بھی ضروری ہے کہ ہم ایک ہی خاندان، ایک ہی خون، ایک ہی قبیلہ ہیں۔ اور اس لیے بھی ضروری ہے کہ ہم میں سے کچھ لوگ متمول ہیں، ان کو مالی آسودگی حاصل ہے جبکہ اسی خاندان میں بہت سے افراد ایسے بھی ہیں جو مالی مشکلات اور تنگدستی کا شکار ہیں۔ ہمیں متحد ہو کر اپنے ان بہن بھائیوں کا دست و بازو بننا ہے۔

اس سوچ کو لے کر آزاد کشمیر سے بانی چیئرمین برادر سید انیس شیرازی نے سوشل میڈیا، فیس بک اور واٹس ایپ پر مختلف علاقوں میں آباد اس خاندان کے افراد سے رابطے شروع کیے۔ 2019 میں برادر سید انیس شیرازی کو کچھ ایسے بھائیوں کا ساتھ میسر آ گیا کہ یہ سلسلہ آگے چل نکلا اور ہر قسم کے سیاسی و مسلکی اختلافات سے بالاتر ہو کر صرف اور صرف خاندان کے اتحاد اور فلاح و بہبود کے لیے بنیاد رکھ دی گئی۔

• حضرت سید سید احمد جعفری شیرازیؒ (پسرور، ضلع سیالکوٹ - خانپور سیداں)
• حضرت سید سعید نوروز علی شیرازیؒ (نارووال)
• حضرت سید شاہ خلیل بابا شیرازیؒ (اورکزئی)
• حضرت شاہ شمس شیرازیؒ (شاہپور، سرگودھا)

سپریم کونسل (14 ارکان): اعلیٰ پالیسی ساز ادارہ۔
سینٹرل ایگزیکٹو کمیٹی (29 ارکان): مرکزی انتظامی باڈی۔
لوکل و ڈسٹرکٹ یونٹس: 100+ افراد پر ایک مقامی یونٹ۔
ورکنگ کمیٹیز
ایجوکیشن کمیٹی
ہیلتھ کمیٹی
سوشل کمیٹی
اور ایمپلائمنٹ کمیٹی

🎓 تعلیم: مستحق گھرانوں کے بچوں کے تعلیمی اخراجات، درسی کتب، یونیفارم، اسکول/کالج فیس اور وظائف۔

🏥 صحت: خاندان کے مستحق افراد کو علاج معالجے اور ادویات کی فراہمی، بلڈ بینک کا قیام۔

💼 روزگار: تعلیم یافتہ نوجوانوں کی ملازمت میں معاونت، ہنر مندوں کو بلاسود قرضِ حسنہ۔

🤲 عمومی فلاح: میرج پورٹل و میرج فنڈ، شجرہ نسب کا تحفظ، اور شیرازی ہومز برائے بے گھر افراد۔

اپنے قیام سے لیکر آج تک شیرازی سادات فورم کے ارکان خاندان کے اتحاد اور فلاح وبہبود کے لیے کوشاں ہیں ، اس سلسلے میں شاہپور سرگودہا ، ہجکہ شریف بھیرہ ، بھلوال ، ساہیوال ، حافظ آباد ، کوٹلہ سیداں جہلم اور پیروالا جھنگ میں برادران کے تعاون سے خاندان کے افراد سے ملاقات کے لیے بڑے اجتماعات منعقد کیے ۔ اور شیرازی سادات فورم کے اغراض و مقاصد سے خاندان کے عمائدین کو آگاہ کیا ۔
تعلیمی کفالت کے حوالے سے شیرازی سادات فورم اس وقت پارا چنار ، سرگودھا ، فیصل آباد ،ساہیوال ،حافظ آباداور جہلم مین ایسے بچوں کی تعلیمی کفالت کررہا ہے جن کے گھرانے مالی مشکلات کا شکار ہیں۔ منڈی بہاولدین ،جہلم ، سرگودھا ،حافظ آباد اور فیصل آباد اور ساہیوال میں بیٹیوں کی شادی کے موقع پر ایک چھوٹا سا تحفہ نقد رقم کی صورت دیا گیا ہے ۔بیوگان کی کفالت ، مالی مشکلات کا شکار مریضون کو ادویات کی فراہمی کی کوشش کی جارہی ہے ۔ شیرازی سادات فورم کا میرج پورٹل فعال ہے ۔ جہاں سادات کے بچون اور بچیون کے رشتوں کے حوالے سے گھرانوں کو متعارف کرایا جارہا ہے۔ خاندان کی مستند تاریخ اور شجرہ نسب کو یکجا کرنے پہ کام ہورہا ہے ۔

"ہم نے کوشش کا آغاز کردیا ہے اگر آپ بھی اس خاندان کا حصہ ہیں تو اس کوشش میں ہمارا ساتھ دیں ۔ ہم نہیں تو ہماری آنے والی نسلیں اس سے مستفید ہونگی ۔ہماری یہ کوشش یقیناً جد امجد سرکارِ صادق آل محمد علیہ السلام کی بارگاہ میں شرف قبولیت پائے گی ۔اگر کل بروز حشر ہم اس قابل ہوئے کہ مولا علیہ السلام کی خدمت میں پیش کیے جائیں تو دست بستہ عرض کریں گے "مولاؑ ہم نے کوشش تو کی تھی ، کہ آپ کی اولاد کو اکٹھا کر سکیں""

کوشش کریں کہ ممبرشپ فارم اردو میں پر کریں ۔ ممبرشپ فارم کا کوئی بھی کالم نامکمل نہ چھوڑیں ۔
متعارف کنندہ کے بغیر ممبرشپ فارم کی توثیق میں تاخیر ہوسکتی ہے ۔
ممبرشپ فارم کے لیے اپنی واضح تصویر ساتھ منسلک کریں ۔ کیونکہ یہی تصویر آپ کی ممبرشپ پروفائل پہ نظر آئے گی ۔

ذاکر اہلبیت سید وسیم عباس شیرازی صاحب بقضائے الہیٰ انتقال فرما گئے ہیں ۔

فی الحال شجرہ نسب تک رسائی کسی کو نہیں دی گئی۔شجرہ نسب کی تلاش کے لیے ارکان اپنا نام ،پروفائل نمبر یا خاندانی شاخ جیسے شاہ عبدالوہاب پوترا ، شاہ مرتضٰی پوترا ، احمد شیر پوترا ، شاہ محمد پوترا یا شاہ حسن پوترا سے بھی تلاش کیا جاسکے گا۔

سال 2026 میں تعلیمی کفالت کے لیے موصول ہونے والے تمام فارمز ایجوکیشن کمیٹی نے منظور کیے ۔اور مارچ اپریل میں سال کی پہلی ادائیگی 234768 روپے کردی گئی ۔اس سال کی دوسری ادائیگی 230000 روپے اس ماہ ستمبر میں پارا چنار ، ساہیوال ،سرگودہا ، حافظ آباد ، فیصل آباد میں ایسے بچوں کو سکول یونیفارم ،شوز اور چھ ماہ کی سکول فیس کی ادائیگی کی جائے گی ۔ جن کے گھرانے مالی مشکلات کا شکار ہیں۔